|
سرینگر/۸مئی(مشرق ڈیسک).................... پاکستان نے کہا ہے کہ مسئلہ کشمیر کا اقوام متحدہ کی قراردادوں کے مطابق حل ہونا چاہےے۔پاکستانی دفتر خارجہ کے ترجمان محمد صادق نے آج اسلام آباد میں ہفتہ وار پریس بریفنگ کے دوران واضح کیا کہ حکومت پاکستان مسئلہ کشمیر کا حل اقوام متحدہ کی قراردادوں کے مطابق چاہتی ہے اور پاکستان ‘ہندوستان اور کشمیریوں کے مذاکرات کے نتیجے میں مسئلہ کا حل ڈھونڈا جا سکتا ہے۔انہوں نے کاہ کہ ہندوستان اورپاکستان کے درمےان جامع مذاکرات کا عمل ۲۰ مئی کو دونوں ممالک کے خارجہ سےکرےٹریوں میں اسلام آباد میں ملاقات کے ساتھ ہی بحال ہو گا جبکہ اس کے اگلے روز اس بات چےت کو وزرائے خارجہ آگے لےں جائےں گے ۔
پاکستانی دفتر خارجہ کے ترجمان نے کہا کہ پاکستان کی طرف سے جناح ہاﺅس ممبئی کو حوالے کرنے کی دو خراست ابھی تک موجود ہے۔ انہوں نے کہا کہ جونہی مناسب جگہ یا عمارت ملی پاکستان ممبئی میں قونصل خانہ کھولے گا۔ ہندوستان میں ایک اور پاکستانی کی ہلاکت پر انہوں نے بتایا کہ ان کے بارے میں ابھی بہت معلومات حاصل کرنا باقی ہیں کیونکہ ابھی تک یہ معلوم نہیں ہوا کہ وہ ہندوستان میں کیسے داخل ہوا تاہم امرتسر کی جیل میں قید تھا اور ۶۲اپریل کو بھارت کے ایک ہسپتال میں جاں بحق ہوا۔ ایک سوال کے جواب میں انہوں نے کہاکہ خارجہ پالیسی کا تعین حکومت کرتی ہے اور وزارت خارجہ اس پر عملدرآمد کراتی ہے۔
ترجمان دفتر خارجہ کا کہنا تھا کہ دہشت گردی کے خلاف حکومت کی پالیسی تین نکاتی ہے جس میں سیاسی ، سماجی و معاشی بہتری اور فوجی حکمت عملی شامل ہے۔ انہوں نے کہا کہ پاکستان کا موقف ہے کہ صرف فوجی ایکشن سے دہشت گردی کا خاتمہ ممکن نہیں لہذا حکومت ہتھیار پھینک کر اور تشدد کو ترک کر کے امن سے رہنے کے خواہشمند افراد سے مذاکرات کررہی ہے۔ انہوں نے تاہم واضح کیا کہ اس پالیسی کے تناظر میں سیکورٹی کی ضروریات کو نظر انداز نہیں کیا جائے گا۔ انہوں نے کہا کہ دہشت گردی کے خلاف ہماری پالیسی واضح ہے اور اسے عالمی برادری کی حمایت حاصل ہے۔ ایک سوال پر انہوں نے کہا کہ ملکی پالیسیاں چند ہفتوں میں تبدیل نہیں ہوتیں بلکہ ملکی مفاد میں آہستہ آہستہ تبدیلی کی جاتی ہے۔
انہوں نے ایک سوال کے جواب میں کہا کہ گوانتاناموبے میں تعینات امریکی جنرل ہڈ کی پاکستان میں تعیناتی کی رپورٹ میڈیا میں آئی ہے۔ وہ اس وقت پاکستان میں نہیں تاہم ان کی یہاں پاکستان میں تعیناتی پر عوامی جذبات سے آگاہ ہیں اور توقع ہے کہ یہ مسئلہ حل کرلیا جائے گا۔ مغوی پاکستانی سفیر طارق عزیز الدین کے بارے میں انہوں نے بتایا کہ معاملے حساسیت کے پیش نظر وہ زیادہ معلومات دینے سے قاصر ہیں تاہم طارق عزیز الدین خریت سے ہیں اور امید کی جاتی ہے کہ وہ جلد رہا ہو جائیں گے۔ انہوں نے ایک اور سوال پر کہا کہ پاک امریکہ تعلقات نہ صرف پاکستان بلکہ امرکیہ اور اس خطے کے مفاد میں بھی ہیں۔
|
