سرینگر/۸ مئی................سرینگر کے لالچوک میں آج اس وقت سنسنی پھیل گئی جب ریذیڈنسی روڑ پر مظاہرے کرنے کے بعد آئی ٹی آئی تربیت یافتہ ۴کفن پوش نوجوانوں نے امیرا کدل اور بڈشاہ پل سے احتجاج کے بطور دریائے جہلم میں چھلانگ لگائی۔ مقامی کشتی بانوں نے چاروں نوجوانوں کو بچالیا تاہم اس موقعہ پر پورے علاقے میں افراتفری کا ماحول پیدا ہوااور دونوں پلوں پرپولیس اور لوگوں کی بھاری بھیڑ جمع ہوئی۔ تفصیلات کے مطابق محکمہ پی ایچ ای میںعارضی بنیادوں پر تعینات میکینکل اور سول آئی ٹی آئی تربیت یافتہ ملازمین گذشتہ کئی دنوں سے اپنے مطالبات کے حق میں احتجاج پر ہیں جس کے دوران انہوں نے کئی مقامات پر دھرنا دے کر مظاہرے کئے۔ یہ ملازمین ان کی رکی پڑی تنخواہوں کو واگذار کرانے اور انہیں مستقل کئے جانے کے حق میں احتجاج کررہے ہیں۔
آج صبح کفن پوش نوجوانوں سمیت یہ سینکڑوں ملازمین ریذیڈنسی روڑ پر نمودار ہوئے اور پریس کالونی کے باہر دھرنے پر بیٹھ گئے۔ احتجاج میں شامل ملازمین ”نوجوانو ہوش میں آﺅ، یہ سرکار جھوٹی ہے اور چھین کے لیں گے اپنا حق“ کے نعرے لگارہے تھے اور اس موقعہ پر وہاں پولیس کی بھاری تعداد تعینات کی گئی تھی۔ کشمیرنیوزسروس سٹی رپورٹر کے مطابق اس سے پہلے کہ پولیس مظاہرین کے خلاف کارروائی عمل میں لاتی ، درجنوں نوجوان پولیس کو چکمہ دے کر پریس کالونی کے اندرونی راستے سے بھاگ نکلنے میں کامیاب ہوئے اور دوبارہ امیراکدل کے نزدیک جمع ہو کر احتجاج کرنے لگے۔
اسی اثناءمیں جب ریذیڈنسی روڑ پر تعینات کوٹھی باغ پولیس کو معاملے کی اطلاع ہوئی تو وہ امیراکدل کی طرف دوڑ پڑے جہاں نعرے بازی کررہے ملازمین نے لوگوں کی توجہ اپنی جانب مبذول کرانے کیلئے گاڑیوں کی آمدورفت میں رکاوٹ ڈالنے کی کوشش کی ۔اس دوران پولیس وہاں پہنچی اور مظاہرین کو منتشر کرنے کیلئے لاٹھی چارج کیا تاہم اسی دوران مظاہرین میں سے ۲نوجوانوں نے امیراکدل سے دریائے جہلم میں چھلانگ لگائی۔ افراتفری کا عالم ابھی جاری تھا کہ دو اور نوجوان بڈشاہ پل سے دریائے جہلم میں کود گئے۔ اس موقعہ پر امیراکدل اور بڈشاہ پل کے ملحقہ علاقوں میں سنسنی پھیل گئی اور لوگوں کی بڑی تعداد پلوں پر جمع ہوکر دریا میں کودنے والے نوجوانوں کو بچانے کیلئے چلانے لگی۔ بعد میں مقامی کشتی بانوں نے فوری طور پر اپنی کشتیاں نکال کر چاروں نوجوانوں کو پانی سے بحفاظت باہر نکالا جس کے بعد مائسمہ پولیس نے انہیں اپنی تحویل میں لے لیا۔ دوسری جانب پولیس نے احتجاج کررہے نوجوانوں کو وہاں سے بھگا دیا ۔ اس موقعہ پر علاقے میں گاڑیوں کی آمد ورفت کچھ دیر کیلئے متاثر ہوئی تاہم بعد میں حالات معمول پرآگئے۔
سرینگر/۸ مئی................سرینگر کے لالچوک میں آج اس وقت سنسنی پھیل گئی جب ریذیڈنسی روڑ پر مظاہرے کرنے کے بعد آئی ٹی آئی تربیت یافتہ ۴کفن پوش نوجوانوں نے امیرا کدل اور بڈشاہ پل سے احتجاج کے بطور دریائے جہلم میں چھلانگ لگائی۔ مقامی کشتی بانوں نے چاروں نوجوانوں کو بچالیا تاہم اس موقعہ پر پورے علاقے میں افراتفری کا ماحول پیدا ہوااور دونوں پلوں پرپولیس اور لوگوں کی بھاری بھیڑ جمع ہوئی۔ تفصیلات کے مطابق محکمہ پی ایچ ای میںعارضی بنیادوں پر تعینات میکینکل اور سول آئی ٹی آئی تربیت یافتہ ملازمین گذشتہ کئی دنوں سے اپنے مطالبات کے حق میں احتجاج پر ہیں جس کے دوران انہوں نے کئی مقامات پر دھرنا دے کر مظاہرے کئے۔ یہ ملازمین ان کی رکی پڑی تنخواہوں کو واگذار کرانے اور انہیں مستقل کئے جانے کے حق میں احتجاج کررہے ہیں۔