توآج کی تازہ خبر یہ ہے کہ کانگریس مفتی صاحب سے ناراض ہے ۔لےکن ہم اسے تازہ خبر نہیں مانتے ہیں کہ کانگریس ‘ مفتی صاحب سے کب ناراض نہیں تھی ۔ہاں اب کی بار بہت دنوں بعد اس نے ناراضگی کا برملا اظہار کیا ہے ۔کانگریس کو مفتی صاحب کی اس بات سے ناراضگی ہے کہ انہوں نے کہاہے کہ دلی کشمیر میں وزیر اعلیٰ مسلط کر تی ہے۔ اس کے خیال میں مفتی صاحب کا اشارہ آزاد صاحب کی طرف ہے ۔کانگریس سمجھتی ہے کہ مفتی صاحب لوگوں کو یہ بتا رہے ہیں کہ آزاد صاحب کو دلی نے ان پر مسلط کیا ہے اور آئندہ وہ ایسا نہ ہونے دیں ۔ اب بھیا ہم کہیں توکیا کہیں کہ ہماری سمجھ میں یہ نہیں آ رہا ہے کہ کانگریس جیسی اتنی بری معاف کےجئے بڑی پارٹی کی سمجھ میں اتنی چھوٹی سی بات کیوں نہیں آ رہی ہے کہ مفتی صاحب کچھ غلط نہیں کہہ رہے ہیں ۔پی ڈی پی کے بڑے صاحب جو کچھ کہہ رہے ہیں سچ کہہ رہے ہیں اور سچ کے سوا کچھ بھی نہیں کہہ رہے ہیں ۔اور مفتی صاحب جو کچھ بھی کہہ رہے ہیں اپنے وسےع تجربے کی بنیادکہہ رہے ہیں ۔ مفتی صاحب یہ بات اچھی طرح جانتے ہیں اور اب ماشاءاللہ لگتا ہے کہ مانتے بھی ہیں کہ دلی کشمیر میں وزیر اعلیٰ کو مسلط کرتی ہے ۔ جب مفتی صاحب ایسا کہتے ہیں تو ان کی قسم ان کااشارہ آزاد صاحب کی طرف نہیں ہے ‘ وہ بے چارے تو کشمیر کی سیاست میں ابھی طفل مکتب ہیں ‘اس لئے مفتی صاحب ان کے بارے میں بات بھی کیا کریں گے ۔سابق وزیر اعلیٰ اصل میں یہ کہہ رہے ہیںکہ کشمیر میں جو کوئی بھی وزیر اعلیٰ بنتا ہے اسے کشمیری نہیں بلکہ دلی منتخب کرتی ہے....اور ہمیں نہیں لگتا ہے کہ کانگریس کو اس بات کا برا ماننا چاہےے یا اس پر مفتی صاحب سے ناراض ہو نا چاہئے .... مفتی صاحب بالکل بھی جھوٹ نہیں بول رہے ہیں ....کہ انہیں خود معلوم ہے .... یہ خود جانتے ہیں اور کانگریس کو یہ معلوم ہوناچاہئے کہ ایسی بات صرف مفتی صاحب ہی کہہ سکتے ہیںکےونکہ خود انہیں بھی دلی نے ہی کشمیریوں پر مسلط کیا۔ اس لئے کانگریس ناراضگی ختم کرتے ہوئے مفتی صاحب کو معاف کرے....کہ یہی انصافبھی ہے۔